جەنگی ناوچەکە، دوو چاری جۆرێك لە چەقبەستوویی و بن بەست هاتوو

جەنگی ناوچەکە، دوو چاری جۆرێك لە چەقبەستوویی و بن بەست هاتووە، بۆیە یان دەبێت ئاگربەستێك، ئەگەر کاتیش بێت ڕابگەیەنرێت، بۆئەوەی شانسێك بە چارەسەری دیبلۆماسی بۆ کۆتایپێهێنانی بدرێت، کەتاکو ئێستا ڕووخساری چارەسەرەکە دیارنییە، (لەورووانگەوە کە چارەسەری مام ناوەندی و هاوکێشەی براوە- براوە یا خود دۆڕاو- دۆڕاو دەخوازێت)، یاخود لەرووی ئامانج، قەوارە، شێوازی ئیدارەدان، پانتایی جوگرافی وژمارەی دەوڵەت وهێزە بەشدارەکان وجۆری چەکەبەکارهاتووەکان، بچێتە قۆناغێکی نوێی مەترسیدارترو وێرانکەرترەوە. ئاگربەستیش خۆبەخۆ یەکسان نییە بەکۆتایی جەنگ، بەڵکو لەکاتێکدا دەکرێت، سەری لەوەوە دەربچێت، لەهەمان کاتدا دەکرێت بۆ خۆکۆکردنەوەی زیاترو فراوانترو قووڵترکردنەوەی جەنگەکە وهەوڵدان بۆ یەکلاکردنەوەی سەربازیی، سوودی لێ وەربگیرێت؟